المهدية : سيارة تدهس حوالي 40 سلحفاة بحرية ضخمة الرأس !

كيما كل يوم فريق " جمعية أزرقنا الكبير " يقوم بمعاينة خروج صغار السلاحف ضخمة الرأس من أعشاشها بشاطئ الغضابنة و يقوم بمتابعتها و تسجيل البيانات متاعها لكن صباح 29 أوت 2023 فريقنا كان متواجد على أمل انه يلقى صغار السلاحف لكن للأسف تصدموا بموت 38 صغير سلحفاة بسبب مرور مركبة رباعية الدفع قامت بدهس العش مما أدى الى نفوقهم و خسرنا 38 صغير سلحفاة من ضمن 85 صغير سلحفاة.
بالحادثة هاذي مجهودات السلحفاة الأم و وضعها للبيض و التعشيش في شاطئ الغضابنة الي اختارت الشاطئ هاكا خاطر اعتبرته امن ليها ولبيضها و مجهودات فريق العمل في المتابعة لأيام و شهور ذهبت سدى و في مهب الريح.
لكن يبقى الأمل موجود مدام فما عباد واعية و مهتمة بالشأن البيئي و بالكائنات البحرية باش نكونوا يد وحدة مع بعضنا و نساهموا في الحفاظ على نظامنا البيئي وعلى أحد كنوزنا الثمينة الي هي السلحفاة ضخمة الرأس.

10:11:00 م