المهدية : صور لزوجين مسنين تكشف المعنى الحقيقي لـ الحب و العشرة

تداول رواد التواصل الإجتماعي صورة لزوجين مسنين تعبّر عن المعنى الحقيقي لـ " الحب و العشرة " .. الصور وثّقها المصوّر الصحفي " الصادق سقا " ليلة 27 من رمضان و كتب هذه التدوينة :

" خوذ بنات الأصول لعل الزمان يطول
" الجامع الفاطمي
- المهدية .  ليلة 27 من رمضان، بين الناس الكل شمعة تضوي من بركة ربي على الزوز هاذم، الراجل عمره فوق ال 80 سنة ما شاء الله، خارج مروح هو مرته من صلاة التراويح.
خطيوة خطيوة يدز في الكرسي بعشيرة عمره بعد ما كانو واقفين بيدين ربي سبحانه.
زعمة جدنا و جدتنا هذم قراو " تنمية ذاتية ؟ و غيرهم من الكتب و المؤلفات ؟ " عن الحب و الرومنسية و و و
لا، بالطبيعة هذم مشاو على طريق بركة ربي ثم بركة جدودنا اللي ما خلاوهاش مسيبة و قالو "خوذ بنات الأصول لعل الزمان يطول"
مثال للعشرة الطيبة و المحبة
بارك الله فيهم و في صحتهم

و بعد انتشار هذه الصور عالميا .. نقل المصوّر الصحفي " الصادق سقا " تصريح الزوجين :

حال عشية في المهدية 
خرج مع عشيرة العمر يعمل في دورة في " برج الرأس "
بعد التصيورات هذهم، يناديني سي الحاج حميدة، و بالحرف الواحد يقلي " عيش ولدي، ليلة 27 هديتلي أحسن هدية في الدنيا، وين نمشي الناس تقلي محلاكم و تدعيلنا بالخير ".
الحمد لله يا ربي نمر مرور الربيع المزهر

6:10:00 م