المهدية : روائح كريهة تغزو الأجواء وأهالي قصور الساف يتذمّرون
وصلتنا هذه الرسالة من مواطنة أصيلة قصور الساف تشتكي فيها من الروائح الكريهة التي اجتاحت المدينة والمدن المجاورة منذ يومين تقريبا نوردها كيما هيّ، نص الرسالة :
السلام عليكم ورحمة الله وبركاته، الرجاء منكم إنزال ميساجي ليعلم المواطنين حجم الكارثة والمصيبة العظمى إلّي تستنى فينا وفي صغيراتنا مستقبلا بسبب هذه المعامل ومخابر تحويل زيت الفيتورة في المهدية وقصور الساف.
روائح كريهة لا تطاق منبعثة من هذه المعامل ولا يمكن لأحد أن يطيقها خاصّة مرضى ضيق التنفس، رانا ولينا ماعادش انجمو نرقدو من الريحة هاذي حتّى على شط البحر ماعادش تنجم تقعد تستمتع بنسمة البحر وهواءه النقي، رجاء بلغو أصواتنا لفوق راهم هوني ما عندهم ما يعملو الكل مسكرين عينيهم ووذنيهم على الشيء الي صاير، بربّي وكان موش مصدقيني، أهبطو توة لقصور الساف وشمّوا الريحة، راهو شيء يأسف باش يرجعونا لزويلة متاع الثمانينات و الأمراض الي كنّا نعانيو منها. بربّي هبطولي ميساجي راهي القضية موش قضيتي وحدي راهي الناس الكل تشكي من الروائح الكريهة متاع المعامل هاذي، حرام راهو ناس تكسب في المليارات على حسابنا وحساب صحة صغيراتنا.
بربي انشرولي ميساجي خلّي الناس تفيق.ملاحظة : قبل نشر هذه الرسالة، اتصلنا بصديق من قصور الساف وأكّد لنا ما جاء في هذه الرسالة حول الروائح الكريهة المنبعثة من أحد مصانع تحويل الفيتورة.
6:22:00 م
