منال عبد القوي ترد بقوة حول مسألة الميراث
 |
| منال عبد القوي ترد بقوة حول مسألة الميراث |
ﻣﻨﺎﻝ ﻋﺒﺪ ﺍﻟﻘﻮﻱ تبدع وترد بقوة حول مسألة الميراث والزواج من غير المسلم .. 😊
ﻋﻔﻮﺍ ﺳﻴﺪﻱ ﺍﻟﺮﺋﻴﺲ ﻋﻨﺪﻱ ﻛﻠﻴﻤﺘﻴﻦ ﺑﻨﻘﻮﻟﻬﻤﻠﻚ :ﺍﻟﻘﺮﺍﺭﺍﺕ ﺍﻟﻲ ﺃﻋﻠﻨﺖ ﻋﻠﻴﻬﺎ ﺍﻟﻴﻮﻡ ﺗﺨﺺّ ﺍﻟﻤﺮﺃﺓ ﺍﻟﺒﻮﺭﺟﻮﺍﺯﻳّﺔ ﺍﻟﻲ ﻣﺸﻜﻠﺘﻬﺎ ﺍﻹﺭﺙ ﻫﻲ ﻭﺧﻮﻫﺎ ﻭﻻ ﺍﻧﻬﺎ ﺗﺎﺧﺬ ﺭﺍﺟﻞ ﻣﺶ ﻣﺴﻠﻢ .... ﻭﻳﻨﻬﻢ ﺍﻟﻘﺮﺍﺭﺍﺕ ﻟﺼﺎﻟﺢ ﺍﻟﻤﺮﺍ ﺍﻟﺰﻭّﺍﻟﻴﺔ ﻟﻲ ﺗﺠﻨﻲ ﻓﻲ ﺍﻟﻄﻤﺎﻃﻢ ﻭﺍﻟﻔﻠﻔﻞ ﻭﺍﻟﻌﻨﺐ ﺏ 5 ﻭ 7 ﺍﻻﻑ ﻓﻲ ﺍﻟﻨﻬﺎﺭ؟؟؟ ﻭﺗﺘﻘﻠﺐ ﺑﻴﻬﺎ ﺍﻟﻜﻤﻴﻮﻧﺔ ﺍﻟﺨﺮﺩﺓ ﻟﻲ ﻫﺎﺯﺗﻬﺎ ﻣﺎﻟﻔﺠﻮﺭﺍﺕ ﺑﺶ ﺗﺮﻭّﺡ ﻓﻲ ﺍﻟﻤﻐﺎﺭﺏ؟؟؟ﻭﻳﻨﻬﻢ ﺍﻟﻘﺮﺍﺭﺍﺕ ﻟﻠﻤﻨﻈّﻔﺔ ﻭﺍﻟﻤﻌﻴﻨﺔ ﺍﻟﻤﻨﺰﻟﻴﺔ ﻟﻲ ﻳﺎﻛﻠﻮﻟﻬﺎ ﻋﺮﻗﻬﺎ ﻭﺟﻬﺪﻫﺎ ﻭﻋﻤﺮﻫﺎ ﻭﻳﻌﺘﺪﻳﻮﺍ ﻋﻠﻴﻬﺎ ﺟﺴﺪﻳﺎ ﻭﺟﻨﺴﻴﺎ؟؟؟ﻭﻳﻨﻬﻢ ﺍﻟﻘﺮﺍﺭﺍﺕ ﻟﻠﻤﺮﺍ ﻟﻲ ﻋﻨﺪﻫﺎ ﻭﻻﺩ ﻣﻌﺎﻗﻴﻦ ﻭﻻ ﻣﺮﺿﻰ ﻭﻣﺎﻋﻨﺪﻫﺎﺵ ﻛﺮﻧﻲ ﺑﺶ ﺗﻌﺎﻟﺠﻬﻢ؟؟؟ﻭﻳﻨﻬﻢ ﺍﻟﻘﺮﺍﺭﺍﺕ ﻟﻠﻤﺮﺍ ﻟﻲ ﺗﺨﻠﺺ ﻋﺎﻟﺤﻀﻴﺮﺓ ﻭﺑﻨﺖ ﺍﻟﻤﻌﻤﻞ ﻟﻲ ﻇﻬﺮﻫﺎ ﻳﺘﻘﺴﻢ ﻭﻋﻴﻨﻴﻬﺎ ﺗﺘﻨﻘﺐ ﻭﻳﺪﻳﻬﺎ ﺗﺤﻠّﻒ ﺑﺶ ﺗﺨﻠﺺ 300 ﺩﻳﻨﺎﺭ؟؟؟ﻭﻳﻨﻬﻢ ﺍﻟﻘﺮﺍﺭﺍﺕ ﻟﻠﻤﺮﺍ ﺍﻟﻌﺰﻭﺯﺓ ﻟﻲ ﺗﺎﺧﻮ ﻓﻲ ﺷﻬﺮﻳﺔ ﺷﻴﺨﻮﺧﺔ 100 ﺩﻳﻨﺎﺭ؟؟؟ﻭﻳﻨﻬﻢ ﺍﻟﻘﺮﺍﺭﺍﺕ ﻟﻠﻤﺮﺍ ﻟﻲ ﻣﺎ ﻋﺮّﺳﺘﺶ ﻟﻴﻦ ﻛﺒﺮﺕ ﻭﻻ ﻋﺮﺳﺖ ﻭﻟﻮﺣﻮﻫﺎ ﻭﻻﺩﻫﺎ ﻭﻻ ﻣﺎ ﻋﻨﺪﻫﺎﺵ ﻭﻻﺩ ﻭﻣﻨﺠﻤﺘﺶ ﺗﻠﺘﺤﻖ ﺑﻤﺮﻛﺰ ﻣﺴﻨّﻴﻦ؟؟؟ﻭﻳﻨﻬﻢ ﺍﻟﻘﺮﺍﺭﺍﺕ ﻟﻠﻤﺮﺍ ﺍﻟﻲ ﺗﺘﻌﺮّﺽ ﻛﻞ ﺻﺒﺎﺡ ﺑﻜﺮﻱ ﻟﻠﺒﺮﺍﻛﺎﺟﺎﺕ ﻭﺍﻟﺘﺸﻠﻴﻂ ؟؟ﻭﻳﻨﻬﻢ ﺍﻟﻘﺮﺍﺭﺍﺕ ﻟﻠﻔﻨﺎﻧﺎﺕ ﻟﻲ ﻣﺮﺿﻮﺍ ﻭﻣﺎ ﻟﻘﺎﻭﺵ ﺑﺶ ﻳﻌﺎﻟﺠﻮﺍ ﻛﻴﻒ ﻣﻨﻴﺔ ﺍﻟﻮﺭﺗﺎﻧﻲ ﻭﺳﻌﻴﺪﺓ ﺳﺮﺍﻱ ﻭﻏﻴﺮﻫﻢ ..ﻗﺮﺍﺭﺍﺗﻚ ﻣﺎ ﻓﺮّﺣﺘﻨﻴﺶ ﻳﺎﺳﺮ ﺳﻴﺪﻱ ﺍﻟﺮﺋﻴﺲ ﺧﺎﻃﺮ ﻣﺎ ﺗﻌﻨﻴﻨﻴﺶ ﻛﺎﻧﻚ ﻋﺎﻹﺭﺙ ﻋﻤﺮﻱ ﺍﻧﺎ ﻭﺧﻮﺍﺗﻲ ﻻ ﺣﻜﻴﻨﺎ ﻭﻻ ﺧﻤﻤّﻨﺎ ﺣﺘﻰ ﺑﺶ ﻧﺘﻘﺎﺭﻗﻮﺍ ﻭﻧﺘﻘﺎﺳﻤﻮﺍ ﺭﺯﻕ ﺑﺎﺑﺎ ﻣﺸﺎ ﻫﻮ ﺧﻠّﻲ ﻳﺎ ﻃﺮﻑ ﺍﺭﺽ ﻭﺯﻳﺘﻮﻥ؟؟؟ ﻳﺮّﺍﺍﺍﻩ ﻭﺣﺘﻰ ﻛﺎﻥ ﺟﺎ ﻫﺎﻙ ﺍﻟﻨﻬﺎﺭ ﻋﻤﺮﻧﺎ ﻣﺎ ﺑﺶ ﻧﺨﺘﻠﻔﻮﺍ ﻭﻻ ﻧﺘﻌﺎﺭﻛﻮﺍ ﻋﻠﻰ ﻭﺳﺦ ﺩﺍﺭ ﺍﻟﺪﻧﻴﺎ ﻫﻜّﺔ ﻣﺒﺮﻭﻙ ﺍﻟﻘﻮﻱ ﻭﺑﻮﻩ ﻋﻠﻲ ﺍﻟﻘﻮﻱ ﺭﺑﺎﻭﻧﺎ ...ﻭﻛﺎﻧﻚ ﻋﺎﻟﻘﺎﻭﺭﻱ ﺧﻮﺫﻭ ﺍﻧﺖ ﻭﺧﻲّ ﺍﻧﺎ ﻣﺮﺍ ﻣﺴﻠﻤﺔ ﻭﻣﺎ ﻧﺎﺧﺬ ﻛﺎﻥ ﻣﺴﻠﻢ ﻛﻴﻔﻲ ﻛﻴﻔﻮ ﺍﻙ ﺍﻟﻲ ﻳﻨﺠّﻤﻮﺍ ﺻﺤﺎﺑﻲ ﺍﻟﺤﺪﺍﺛﻴﻴﻦ ﻳﺴﻤﻴﻮﻧﻲ ﻣﻦ ﺑﺮّﻩ ﻣﻦ ﺑﺮّﻩ ﺣﺪﺍﺛﻴﺔ ﻭﻣﻦ ﺩﺍﺧﻞ ﺧﻮﺍﻧﺠﻴﺔ ﻣﻴﺴﺎﻟﺶ ﻫﺬﻱ ﻗﻨﺎﻋﺎﺗﻲ ﻧﺤﺒﻮﺍ ﻣﺴﻠﻢ ﻭﻳﺎ ﺭﻳﺖ ﺗﻮﻧﺴﻲ ﻭﻳﺎ ﺭﻳﺖ ﺟﺮﺑﻲ ﺯﺍﺩﺓ ﺑﺎﻫﻴﺸﻲ ﻫﻜّﺔ؟؟؟؟؟؟؟ ﻧﻄّﻘﺘﻨﻲ ﺳﻴﺪﻱ ﺍﻟﺮﺋﻴﺲ ﻭﺍﻧﺖ ﺗﺎﺧﺬ ﻓﻲ ﻗﺮﺍﺭﺍﺗﻚ ﻓﻲ ﺑﺮﺟﻚ ﺍﻟﻌﺎﺟﻲ ﺍﻫﺒﻂ ﻟﻼﺭﻳﺎﻑ ﻭﻳﻦ ﺍﻟﺜﻠﺞ ﻳﻐﻄّﻲ ﺍﻻﻛﻮﺍﺥ ﻓﻲ ﺍﻟﺸﺘﺎ ﻭﺍﻟﺸﻤﺲ ﺗﻘﺘﻞ ﺍﻟﻜﺒﺎﺭ ﻓﻲ ﺍﻟﺼﻴﻒ ، ﻭﻳﻦ ﺍﻟﺮﺍﺟﻞ ﻳﺒﺪﺍ ﻗﺎﻋﺪ ﻳﻠﻌﺐ ﻓﻲ ﺍﻟﻜﺎﺭﻃﺔ ﻓﻲ ﺍﻟﻘﻬﻮﺓ ﻭﻣﺮﺗﻮ ﺗﺨﺪﻡ ﻭﻛﻲ ﻳﺠﻲ ﻛﻤﻴﻮﻥ ﺍﻟﻐﺎﺯ ﻳﺒﻌﺚ ﻭﻟﺪﻭ ﻳﻘﻮﻟﻠﻮ ﺑﺮﺍ ﻗﻮﻝ ﻻﻣﻚ ﺗﺠﻲ ﺗﻬﺰ ﺩﺑﻮﺯﺓ ﺍﻟﻘﺎﺯ .... ﺑﺮّﺍ ﺍﻋﻤﻞ ﺩﻭﺭﺓ ﻓﻲ ﺷﻮﺍﺭﻉ ﺗﻮﻧﺲ ﻓﻲ ﺍﻟﻠﻴﻞ ﺗﻮ ﺗﺸﻮﻑ ﻗﺪﺍﺵ ﻣﻦ ﻣﺮﺍ ﺗﺎﻛﻞ ﻣﺎﻟﺰﺑﻠﺔ ﻭﺭﺍﻗﺪﺓ ﻋﻠﻰ ﻛﺮﺩﻭﻧﺔﺯﻳﺪ ﺛﺒّﺖ ﺗﻮ ﺗﺸﻮﻑ ﻗﺪﺍﺵ ﻣﻦ ﺑﻨﻴّﺔ ﻗﺎﺻﺮ ﺗﺨﺪﻡ ﻭﻻ ﺗﺪﻭﺭ ﺑﺮﺿﻴﻊ ﺟﺎﺑﺎﺗﻮ ﺑﻌﺪ ﻣﺎ ﺷﺪّﻫﺎ ﻭﻟﺪ ﺣﺮﺍﻡ ﻋﺪّﺍﻫﺎ ﻋﻠﻴﻬﺎ ﻭﻫﺮﺏ ...ﻋﻔﻮﺍ ﺳﻴﺪﻱ ﺍﻟﺮﺋﻴﺲ ﺍﻟﺒﺮﺟﻮﺍﺯي ........ ﺯﻳﺪ ﺑﺮﺑﺶ ﻓﻲ ﻣﺸﺎﻛﻞ ﺍﻟﻤﺮﺍ ﺍﻟﺘﻮﻧﺴﻴﺔ ﺗﻮ ﺗﻠﻘﺎ ﻣﺎ ﻳﻨﺪّﺏ ﺍﻟﻮﺟﻪ ﻓﺒﺤﻴﺚ ﻳﺎ ﻧﺎﺭﻱ ﻋﺘﻮﻧﺲ ﻭﺑﺮّﻩ .
12:10:00 م
