خلاصة لكوارث شركات الاتصال التونسية منذ بداية سنة 2014

خلاصة لكوارث مشغلي الاتصالات في تونس منذ بداية السنة 2014 :

- تونيزيانا تتحول الى اوريدو.
- قرار بالغاء الIllimité تماما في ال3G.
- اورونج تطلق عرض "ادوخ" ليكتشف الجميع ان به عيوب مثل عدم امكانية شراء الانترنت.
- اوريدو تطلق عرض 42 وتخفي على حرفائها ان الدقيقة الاولى لا تتقسم ب15 ثانية يعني ببساطة تقول الو وتعلق تتحسبلك 42 مليم.
- اتصالات تونس تطلق عرض 40 مليم بنفس العيب متع اوريدو.
- اتصالات تونس تطيح في الPing من اخر ماي في العشية وفي الليل بعد ما كان في الليل بركا وتزيد من معاناة مشتركيها.
- تقنيي اتصالات تونس ولاو يستعرفو بالبريداج.
- زيادة في الطابع الجبائي يعني تصب دينار تاخو 909 فرنك وتصب 10 د تاخو 9د و90 فرنك.
- تفكير في اغلاق السكايب والفيبر وغيرها من برامج الاتصال مستقبلا.

خلاصة : ناس تتطور وتمشي لل4G واحنا عملنا ال3G وبقينا كل مرة نحيولها حاجة لين نرجعوها 2G باذن الله ...

شارك حتى تصل الرسالة لاكبر عدد ممكن من التونسيين ليرى الجميع كيف تتقدم تونس في ميجان الاتصالات ... وتبقى الاسئلة المطروحة :
- وزارة التكنولوجيا والاتصال اين هي ؟
- الهيئة اللا وطنية للاتصالات اين هي (هذي بالذات سبب المصائب الكل) ؟
- الوكالة اللا وطنية للاتصالات اين هي ؟ (كيما الي قبلها نفس الملاحظة).
- منظمة الدفاع عن المستهلك اين هي ؟ (هذوما ظاهر فيهم كمشة شياب مايفهموش في التكنولوجيا جملة ... كان جات زيادة في ماكلة والا حاجة اخرى راهم تكلمو اما ما فيبالهمش الي شطر تونس ولات Connecté ومن حق كل مواطن التطلع الى الافضل موش الرجوع الى الوراء سنوات وسنوات)

5:36:00 م